“Sabah”ın 2019/20 mövsümü üçün hazırlıq planı bəlli olub.

Komandamız iyunun 17-də Bakıda toplaşacaq. Paytaxtda baş tutacaq hazırlıq iyulun 13-dək davam edəcək. Bu müddətdə 4 yoxlama oyunu keçiriləcək.

Hazırlığın ikinci mərhələsi isə Türkiyənin Bolu şəhərində baş tutacaq. Komandamız iyulun 16-da qardaş ölkəyə yollanacaq. Türkiyədəki təlim-məşq toplanışı iyulun 29-dək davam edəcək. “Sabah” Boluda 4 yoxlama oyununda qüvvəsini sınayacaq.

Sınaq görüşlərində qarşılaşacağımız rəqiblər barədə qarşıdakı günlərdə məlumat veriləcək.