“Sabah” yoxlama oyununda qüvvəsini sınayıb. Komandamız “Sumqayıt”la qarşılaşıb. “Bank Respublika Arena”da keçirilən matç minimal hesablı qələbəmizlə nəticələnib. Matçda yeganə qolumuza penaltidən yeni transferimiz Kristian Sebalyos imza atıb.
Baş məşqçimiz Ramin Quliyev oyunda aşağıdakı start heyətə güvənib:
Saşa Stamenkoviç, Slavik Alxasov, Bəxtiyar Həsənalızadə, Şpiro Periçiç, İdris İnqilablı, Elvin Camalov, Aleksey İsayev, Kristian Sebalyos, Xuan Kamara, Coy-Lens Mikels, Mixeil Erqemlidze.
“Sabah” Premyer Liqanın III turunda evdə “Qəbələ” ilə qarşılaşacaq. Matç sentyabrın 11-də, saat 18:00-da “Bank Respublika Arena”da baş tutacaq.