14 aprel – Beynəlxalq Qapıçılar Günü ilə bağlı “Bank Respublika Arena”da əsas komandamızın qapıçıları ilə “Sabah” Futbol Akademiyasının və “Vətən” Futbol Məktəbinin qolkiperləri arasında görüş olub.
Görüş zamanı ilk olaraq əsas komandamızın qapıçılar üzrə məşqçisi Vitali Kovalyov azyaşlı qapıçılarımıza ustad dərsi keçib, oyunlar zamanı qolkiperlərin diqqət yetirməli olduğu məqamlar barədə danışıb. Daha sonra azyaşlı qapıçılarımız əsas komandamızın qolkiperləri Səlahət Ağayev, Yusif İmanov, Aleksandr Neçayev və Rüstəm Samiqullinə suallar ünvanlayıb, onlarla birgə futbol oynayıblar. Görüşün sonunda komandamızın qapıçılar üzrə məşqçisi Vitali Kovalyovun suallarına ən yaxşı cavab verən bir azyaşlı qapıçıya qolkiperlərin imzalı forması hədiyyə verilib.