Yeni əməkdaşlıq müqaviləsi imzalandı

"Sabah" FK və "Kitabevim.az" mağazalar şəbəkəsi arasında əməkdaşlıq müqaviləsi imzalanıb. Əməkdaşlıq çərçivəsində "Hədəf" Şirkətlər Qrupuna daxil olan "Xan", "Hədəf", "Sinkod" yayım və dağıtım şirkəti və "Kitabevim.az" kitab mağazalar şəbəkəsi tərəfindən verilmiş kitablar əsasında "Sabah" Futbol Mərkəzinin istirahət otağında komandanın üzvləri üçün kitabxana yaradılıb.

Bundan əlavə, "Sabah"ın ev oyunlarını keçirdiyi "Bank Respublika Arena"da kitab mağazasının bannerləri yer alacaq. Gələcəkdə tərəflər arasında müxtəlif birgə layihələrin təşkil edilməsi də nəzərdə tutulub.