Ötən il "Azərlotereya"nın dəstəyi ilə Tərtər, Ağcabədi, Zaqatala, Ağsu, Naftalan, Bərdə, Yevlax, Goranboy və Abşeron rayonlarını əhatə edən seçimlərdə 600-ə yaxın uşaq iştirak etdi.
"Sabah" Futbol Akademiyası bu il yeni seçimlərə start verəcək. Seçimlər 23-24 apreldə Göygöl Olimpiya İdman Kompleksində, 29-30 aprel tarixlərində isə Lənkəran Olimpiya İdman Kompleksində baş tutacaq və 2009-2015-ci il təvəllüdlü uşaqlar arasında keçiriləcək. Bakı şəhərində seçimlərin may ayında keçirilməsi nəzərdə tutulur. Seçimlərdə iştirak etmək üçün qeydiyyatdan keçmək vacibdir.
Sən də "Sabah" Futbol Akademiyasının seçimlərində iştirak et, ölkə futbolunun sabahı olmaq şansı qazan!
