“Sabah”dan tarixi nəticə!

Azərbaycan Kubokunda yarımfinal mərhələsinə yekun vurulub.  “Sabah” yarımfinal mərhələsində “Neftçi”yə iki oyunun nəticəsinə əsasən (2:1, 1:1) qalib gələrək, finala vəsiqə qazanıb. 

“Bank Respublika Arena”da keçirilən cavab matçı 1:1 hesablı bərbərliklə nəticələnib. Komandamızın qoluna Cesse Sekidika imza atıb. Qeyd edək ki, bu, “Sabah” üçün tarixi nəticədir. Belə ki, komandamız tarixi ərzində ilk dəfə kubokda həlledici matça vəsiqə qazanıb. 

Oyun, həmçinin daha bir rekordla əlamətdar olub. Görüşü tribunalardan 6600 tamaşaçı izləyib ki, bu da, cari mövsümdə ölkə kubokunda ən yüksək göstəricidir.

"Sabah" finalda "Qarabağ"la qarşılaşacaq. Oyun mayın 31-də, saat 19:00-da Mehdi Hüseynzadə adına Sumqayıt şəhər stadionunda keçiriləcək.