Abdulla Xaybulayev milli komandamızda debüt etdi

Azərbaycan millisi dünya çempionatının seçmə mərhələsində növbəti oyununu keçirib. Milli komandamız Bakıda Ukrayna yığması ilə qarşılaşıb. Görüş 1:1 hesablı bərabərliklə nəticələnib. 

Bu qarşılaşma "Sabah"ın yarımmüdafiəçisi Abdulla Xaybulayev üçün əlamətdar olub. Meydana start heyətində çıxan və 78-ci dəqiqədə əvəzlənən Abdulla, milli komandamızda debüt edib. Xaybulayevlə yanaşı, "Sabah"ın digər üzvü Anatoli Nuriyev də bu matçda şans qazanıb. O, görüşün 66-cı dəqiqəsində meydana daxil olub. 

Xəyal Əliyev isə U-21 millimizin heyətində meydana çıxıb. Gənclərdən ibarət yığmamızın Avropa çempionatının seçmə mərhələsinin Bolqarıstanla ev oyununda start heyətində yer alan Xəyal, sona kimi meydanda olub. Matç 1:1 hesablı bərabərliklə nəticələnib.