“Sabah” Umarali Raxmonaliyevin transfer hüququna yiyələndi

“Sabah” FK yarımmüdafiəçi Umarali Raxmonaliyevin transfer hüququna yiyələnib. Özbəkistan yığmasının üzvünün icarəsi ilə bağlı Rusiyanın “Rubin” klubu ilə bağlanmış müqavilədə nəzərdə tutulan transfer bəndi qüvvəyə minib.

Umarali ilə yeni 3 illik müqavilə imzalanıb.

Qeyd edək ki, 22 yaşlı futbolçu 2025-ci ilin yanvar ayından “Sabah”ın üzvüdür. O, komandamızın heyətində ümumilikdə 36 oyun keçirib və 3 qola imza atıb.