İçərişəhərdə futbol meydançasının açılışı oldu

“İçərişəhər” Dövlət Tarix-Memarlıq Qoruğu İdarəsinin təşəbbüsü, “Sabah” Futbol Klubunun dəstəyi ilə İçərişəhərdə uşaqlar üçün futbol meydançası istifadəyə verilib. Məkanın tarixi-memarlıq mühitinə uyğun şəkildə həyata keçirilən layihə, uşaqların idmanla məşğul olmasına, onların aktiv və səmərəli vaxt keçirməsinə və futbolun kütləviləşməsinə töhfə vermək məqsədi daşıyır.

Mayın 31-də baş tutan açılış zamanı “İçərişəhər” Dövlət Tarix-Memarlıq Qoruğu İdarəsinin sədri Rüfət Mahmud, İçərişəhərin Ağsaqqallar Şurasının sədri Əliheydər Dadaşov, həmçinin “Sabah” Futbol Akademiyasının koordinatoru Georgi Minaşvili çıxış ediblər.

Tədbir zamanı uşaqlar üçün əyləncəli və idman yönümlü proqramlar təşkil olunub, daha sonra isə uşaqların iştirakı ilə yeni istifadəyə verilmiş meydançada ilk oyun keçirilib.

İçərişəhərdə futbol meydançasının açılışı oldu

"Sabah" - "Orhus" oyun öncəsi mətbuat konfransı

Valdas Damrbrauskas "Orhus"la oyunu şərh etdi

KİV-in diqqətinə!

Təşəkkürlər, Noqeyra!