Tellur Mütəllimov daha 2 il “Sabah”da!

“Sabah” FK müdafiəçi Tellur Mütəllimovla yeni müqavilə bağlayıb. 31 yaşlı futbolçu ilə yeni müqavilənin müddəti 2 ildir. 

Tellur 2022-ci ildən “Sabah”ın uğurları üçün çalışır. Azərbaycan millisinin də üzvü olan futbolçu “Sabah”da ümumilikdə 102 oyun keçirib. Mütəllimov komandamızın uğurlarında xüsusi pay sahibi olmuş futbolçulardandır. O, “Sabah”ın heyətində 1 dəfə Azərbaycan çempionu, 2 dəfə isə ölkə kubokunun sahibi olub.