"Sabah" "Ferentsvaroş"la heç-heçə etdi

Avstriyanın Tirol bölgəsində təlim-məşq toplanışında olan "Sabah" hazırlıq çərçivəsində növbəti yoxlama oyununu keçirib. Rəqib Macarıstan "Ferentsvaroş"u olub. Matç 1:1 hesablı bərabərliklə başa çatıb. Qarşılaşma 120 dəqiqə oynanılıb (hər hissə 60 dəqiqə olmaqla). Komandamızın qoluna ikinci hissədə Cafet Bulus Dunqus imza atıb.

Baş məşqçimiz Valdas Dambrauskas qarşılaşmada aşağıdakı start heyətinə şans verib:

Stas Pokatilov, Aleksey İsayev, İvan Lepinitsa, Eyden Makkarti, Stiv Solvet, Rodriqo Fernandeş, Timoteuş Puxaç, Akim Zedadka, Kahim Parris, Aaron Maluda, Coy-Lens Mikels.

Oyuna sonradan daxil olanlar: Rauf Eyyubov, Rəhman Daşdəmirov, Junior Almeyda, Cafet Bulus Dunqus, Şahin İbrahimov, Rauf Rüstəmli, Qodfrey Boakye, Cəfər Muxtarov, Umarali Raxmonaliyev, Abdulla Xaybulayev, Yunes Laşaab, Patrik Orfe Mbina.

"Sabah" toplanış çərçivəsində ilk yoxlama oyununda Rumıniyanın "Universitatya Krayova" komandası ilə 1:1 hesablı heç-heçə etmişdi. Komandamız Avstriya toplanışında son oyununu Ukrayna "Polissiya"sına qarşı keçirəcək. Görüş iyulun 2-də baş tutacaq.

"Sabah" "Ferentsvaroş"la heç-heçə etdi

Baş məşqçimiz Valdas Dambrauskasın TNS ilə oyunla bağlı fikirləri

Baş məşqçimiz Valdas Dambrauskasın TNS ilə oyunla bağlı fikirləri

“Sabah” – TNS: Oyun sonrası mətbuat konfransı

"Sabah" Ukraynanın "Polissiya" komandası ilə qarşılaşdı