8 futbolçumuz milli komandalarda!

“Sabah” FK-nın 8 futbolçusu müxtəlif milli komandalara dəvət olunublar.

Rəhman Daşdəmirov, Abdulla Xaybulayev və Anatoli Nuriyev əsas milli komandamıza, Rəvan Mirzəmmədov, Şahin İbrahimov və Xəyal Əliyev isə U-21 millimizə çağırılıblar.

Bundan əlavə, komandamızın qapıçısı Stas Pokatilov Qazaxıstan yığmasına, yarımmüdafiəçimiz Umarali Raxmonaliyev isə Özbəkistan milli komandasına dəvət ediliblər.

Qeyd edək ki, Azərbaycan millisi DÇ-2026-nın seçmə mərhələsi çərçivəsində oktyabrın 10-da “Park de Prens” stadionunda Fransa yığması, oktyabrın 13-də isə Polşanın Krakov şəhərində yerləşən “Krakoviya” arenasında Ukrayna seçmə komandası ilə qarşılaşacaq. U-21 yığmamız isə Avropa çempionatının seçmə mərhələsi çərçivəsində oktyabrın 10-da səfərdə Çexiya, 14-də isə evdə Şotlandiya seçməsi ilə qarşılaşacaq.

Qazaxıstan millisi DÇ-2026-nın seçmə mərhələsi çərçivəsində oktyabrın 10-da evdə Lixtenşteyn, 13-də səfərdə Şimali Makedoniya seçməsi ilə qarşılaşacaq. Özbəkistan yığması isə oktyabrın 9-da Küveyt, 13-də Uruqvay yığması ilə yoxlama oyununda qüvvəsini sınayacaq.

8 futbolçumuz milli komandalarda!

8 futbolçumuz milli komandalarda!

Coy-Lens Mikelsin zədəsi ilə bağlı açıqlama

AFFA Yüksək Qızlar Liqasında yeni mövsümün püşkü atıldı

Zinəddin Uld Xaled əməliyyat oldu