Akademiyamızda maarifləndirici tədbir keçirilib

Noyabrın 6-da “Vətən” İdman Liseyinin binasında “Sabah” Futbol Akademiyasının 14–15 yaşlı futbolçuları üçün “Uşaq və gənclərin hüquq və maraqlarının müdafiəsi” mövzusunda interaktiv tədbir keçirilib.

Hüquqşünas Əlibaba Əliyevin rəhbərliyi ilə keçirilən görüşdə futbolçular müxtəlif oyunlar və “Arzu” kartları vasitəsilə öz hüquqları, qarşılıqlı hörmət və meydanda ədalətli davranış barədə fikir mübadiləsi aparıblar.

Tədbirin sonunda fəallığı ilə seçilən üç iştirakçıya hədiyyələr təqdim edilib.

“Sabah” Futbol Akademiyası olaraq gənclərin futbol bacarıqlarını inkişaf etdirməklə yanaşı, öz hüquqlarını bilmələrinə, məsuliyyətli davranmalarına və bir-birinə hörmət etmələrinə önəm veririk.