Baş məşqçimiz Valdas Dambrauskasın “Sabah” - “Petrokub” oyunu ilə bağlı fikirləri

"Sabah"ın baş məqşçisi Valdas Dambrauskas "Petrokub"la oyunla bağlı fikirlərini bildirib:

"Birinci oyunda yaxşı nəticə əldə etdik, amma bəlkə də ən yaxşı oyunumuz deyildi, bunun fərqindəyik. Sabahkı oyunun bir qədər fərqli olacağını gözləyirəm, çünki rəqibimiz daha çox risk almağa məcbur olacaq.

Biz də öz tərəfimizdən oyuna daha üstün mövqedən yanaşmaq istəyirik. Yaxşı bərpa prosesi keçirdik, ardınca isə üç-dörd gün çox keyfiyyətli məşqlərimiz oldu. Moldovada keçirdiyimiz ilk oyunda yol verdiyimiz səhvlər üzərində işlədik.

Bu oyunda ən vacib məsələ rəqibi layiqincə qiymətləndirmək və diqqətli olmaqdır, çünki Avropada hər şey çox tez dəyişə bilər. Üstünlüyümüz olsa belə bunu unudub ilk dəqiqədən etibarən yalnız bir şey haqqında düşünməliyik – sabahkı oyunu necə qazanacağımız haqqında".

"Sabah" - "Petrokub" matçı sabah saat 20:00-da "Bank Respublika Arena "da baş tutacaq. Bu komandalar arasında Moldovada baş tutmuş ilk oyun komandamızın 2:0 hesablı qələbəsi ilə nəticələnib.

Baş məşqçimiz Valdas Dambrauskasın “Sabah” - “Petrokub” oyunu ilə bağlı fikirləri

“Komandanın çıxışından və sərgilədiyimiz oyundan çox razı qaldım” – Dambrauskas

"Sabah" - "Hapoel Byer-Şeva" oyununa media üçün akkreditasiya başlandı

UEFA Çempionlar Liqası: Valdas Dambrauskas və Timoteuş Puxaçın mətbuat konfransı

Valdas Dambrauskasın "Orhus"la bağlı oyunla fikirləri