“Sabah” “Şamaxı” ilə yoxlama oyunu keçirəcək

Yanvarın 5-dən mövsümün ikinci yarısının hazırlıqlarına başlayan “Sabah”ın qış fasiləsində keçirəcəyi ilk yoxlama oyunundakı rəqib bəlli olub. Komandamız yanvarın 11-də, saat 16:00-da “Bank Respublika Arena”da “Şamaxı” ilə qarşılaşacaq.

Qeyd edək ki, “Sabah” mövsümün ikinci yarısına hazırlıqları Bakıda keçirəcək. Komandamızın Misli Premyer Liqasında fasilədən sonrakı ilk oyunu “Karvan-Yevlax”a qarşı olacaq. Görüş yanvarın 25-də, saat 18:30-da “Bank Respublika Arena”da baş tutacaq.