17 yaşlılarımız mövsümü gümüş medalla başa vurdu

AFFA-nın təşkilatçılığı ilə keçirilən U-17 Liqasında mövsümə yekun vurulub. “Sabah”ın müvafiq komandası liqanın son turunda səfərdə “Neftçi” ilə qarşılaşıb. Görüş qolsuz bərabərliklə nəticələnib.

Ruslan Qafitullinin baş məşqçisi olduğu komandamız mövsümü ikinci pillədə - gümüş medalla başa vurub.

Qeyd edək ki, “Sabah” U-17 mövsümü birinci pillədə başa vuran “Neftçi” ilə eyni xalı toplasa da, əlavə göstəricilərə əsasən, ikinci olub.