“Sabah” Azərbaycan Kubokunda 1/4 finala adladı!

Azərbaycan Kubokunda 1/8 final mərhələsinin oyunları keçirilib. “Sabah” bu mərhələdə “Turan Tovuz”la qarşılaşıb. Tovuz şəhər stadionunda keçirilən oyunun əsas vaxtı 1:1 hesablı bərabərliklə başa çatıb. Əsas vaxtda komandamızın qoluna Con İrasabal imza atıb. Əlavə vaxtda komandalar hərəyə daha bir dəfə fərqlənib. Komandamızın heyətində serbiyalı hücumçu Neqoş Kupusoviç rəqib qapısına yol tapıb. Oyunun əlavə vaxtı 2:2 hesablı bərabərliklə nəticələnib. Penaltilər seriyasında daha dəqiq oynayan komandamız (3:1) növbəti mərhələyə vəsiqə qazanıb.

“Sabah” 1/4 finalda “Sumqayıt”la qarşılaşacaq.