Vasili Berezutski: “Komandam bu gün xarakter nümayiş etdirdi”

Azərbaycan Kubokunda 1/8 final mərhələsinə yekun vurulub. “Sabah” bu mərhələdə oyun sonrası penaltilər seriyasında “Turan Tovuz”u məğlub edərək 1/4 finala vəsiqə qazanıb. Oyundan sonra baş məşqçimiz Vasili Berezutski fikirlərini bildirib: 

“İlk öncə futbolçularıma təşəkkür etmək istəyirəm. Onlar bu gün xarakter nümayiş etdirdilər. Oyun çox çətin alındı. Bunda süni örtükdə oynamağımızın da rolu oldu. Buna rəğmən, komanda bu çətin matçdan qalib ayrılmağı bacardı. Bu mərhələni adlamaq bizim üçün çox vacib idi. “Turan Tovuz”un ağır zədə alan futbolçusu Denis Marandiçinin tezliklə sağalmasını diləyirəm”.