“Sabah” U-17 çempion!

U-17 Qızlar Liqasında növbəti oyunlar keçirilib. “Sabah”ın qızlardan ibarət komandası evdə “Zaqatala City” ilə qarşılaşıb. Oyun komandamızın böyük hesablı qələbəsi ilə nəticələnib - 14:0. Matçda qollarımıza Tərgül Qəniyeva (7), Mehri Məmmədzadə (4), Aysu Əsədova (2) və Qönçə Quluzadə (1) imza atıblar.

Bu qələbədən sonra Mehdi İbrahimovun baş məşqçisi olduğu komanda çempionatın sonuna 2 tur qalmış çempionluğu təmin edib. Qeyd edək ki, qızlardan ibarət U-17 komandamız ötən il də mövsümü çempion kimi başa vurmuşdu.