“Sabah”ın U-15 komandası finalda!

U-15 Liqasının yarımfinal mərhələsinin ilk cavab oyunu keçirilib. “ASK Arena”nın ehtiyat meydançasında “Sabah” “Neftçi” ilə qarşılaşıb. Oyun bu komandalar arasında keçirilmiş ilk görüş kimi qolsuz bərabərliklə başa çatıb. Əlavə vaxtı da 0:0 nəticələnən qarşılaşmanın penaltilər seriyasında 4:2 hesabıyla qalib gələn “Sabah” finala vəsiqə qazanıb.

Baş məşqçi Şahin Zeynalovun çalışdırdığı komandamız həlledici oyunda “Qarabağ” - “Qəbələ” cütünün qalibi ilə qarşılaşacaq.