“Sabah”ın U-12 komandasından Türkiyədə 2 qələbə

Türkiyədə təşkil olunan “Rize Cup” beynəlxalq futbol turnirinə start verilib. “Sabah”ın U-12 komandası turnirdə ilk oyunlarını keçirib. İlk matçda komandamız yerli “Rizespor”la qarşılaşıb. Oyun rəqibin 2:1 hesablı qələbəsi ilə nəticələnib. Komandamızın heyətində Səhlab Məmmədov fərqlənib.

“Sabah” növbəti qarşılaşmasında “Başakşehir”i 1:0 hesabı ilə məğlub edib. Oyunda yeganə qolumuzu Arda Fərəmuzov vurub.  

Baş məşqçi Emin Salmanovun çalışdırdığı kollektiv üçüncü oyunda “Qaziantep”lə qarşılaşıb. Komandamız bu matçdan 3:1 hesablı qələbə ilə ayrılıb. Matçda hər üç qolumuza Arda Fərəmuzov imza atıb.

Üç oyundan sonra komandamızın hesabında altı xal var.