“Sabah” U-10 Avstriyada keçirilən beynəlxalq turnirdə iştirak etdi

“Sabah”ın U-10 komandası Avstriyanın paytaxtı Vyanada beynəlxalq futbol turnirində iştirak edib. Məhərrəm Müslümzadənin baş məşqçisi olduğu kollektiv qrup mərhələsində Kosovonun “Liria” (6:0), Avstriyanın “Yunion Mauer” (4:1), “Breytenfurt” (3:0) komandalarını məğlub edib, Portuqaliyanın “Sportinq” (0:1), Avstriyanın “Petronell” (3:4) və “Admira Vakker” (0:4) komandalarına uduzub. Komandamız qrup mərhələsini 7 komanda arasında 4-cü sırada yekunlaşdırıb.

Pley-off mərhələsində “Sabah” turnirdə ölkəmizin digər təmsilçisi – “Qarabağ”la qarşılaşıb. Qolsuz bərabərliklə başa çatan oyunun penaltilər seriyasında rəqib qalib gəlib. Komandamız pley-off mərhələsinin digər oyunlarında Avstriya təmsilçiləri “Berndorf” (1:0) və “Vyanar Sportklub” (5:0) komandalarına qalib gəlib, “Elektra”ya məğlub olub (0:1).