“Sabah-2”-dən böyük hesablı qələbə

Əvəzedicilərin çempionatında 5-ci tura start verilib. “Sabah-2” bu turda evdə “Qəbələ-2” ilə qarşılaşıb. “ASCO Arena”da keçirilən görüş komandamızın böyük hesablı qələbəsi ilə nəticələnib – 3:0. Komandamızın qollarını Şahin İbrahimov və Ramil Nuraxmedov vurublar. Oyunda bir avtoqol qeydə alınıb.

Əvəzedici komandamızın baş məşqçisi Adino Mustedanaqiç qarşılaşmada aşağıdakı heyətə şans verib:

94. Rəvan Mirzəmmədov, 23. Camal Cəfərov (k), 77. Nihat Cabbarov, 97. Ramil Nuraxmedov (49. Ramin Əvəzov, 86), 93. Səbuhi Qurbanov (54. Surxay Nəbiyev, 90+1), 74. Həmzəalı Mikayılov (25. Hüseyn Məmmədzadə, 90+1), 78. Cavid Məmmədli (89. Cəfər Muxtarov, 86), 91. İlkin Cəfərli (71. Əli Əlizadə, 75), 24. Emil Əmirov, 35. Cafet Bulus, 95. Şahin İbrahimov.

Hazırda hesabında 10 xal olan “Sabah-2” turnir cədvəlində birinci sırada qərarlaşıb.