Baş məşqçimiz Krunoslav Renduliçin “Kəpəz”lə oyunla bağlı fikirləri

Misli Premyer Liqasında XIII tura yekun vurulub. “Sabah” bu turda evdə “Kəpəz”lə bərabərə qalıb – 2:2. Baş məşqçimiz Krunoslav Renduliç oyundan sonra mətbuat konfransında fikirlərini bildirib:

“Oyuna böyük səhvlə başladıq və bunun da nəticəsində qapımızda qol gördük. Bundan sonra oyuna qayıtmaq bir qədər çətin idi. Amma bundan qısa müddət sonra komanda olaraq toparlandıq və matçda üstünlüyü ələ aldıq. Vurduğumuz ilk qolda bir qədər bəxtimiz gətirdi. Amma bu qol bizim üstünlüyümüzün nəticəsi idi. Futbolda hərdən belə də olur. İkinci hissədə də biz rəqibə nisbətən daha yaxşı idik. Bizim yüzfaizli iki fürsətimiz oldu, üçüncü qolu vuraraq oyunun taleyini həll etməliydik. Təəssüf ki, bunu edə bilmədik, əvəzində qol buraxaraq xal itirdik”.