Akademiyamızda uşaq hüquqları mövzusunda seminar keçirilib

“Sabah” Futbol Akademiyasında uşaq hüquqlarının və maraqlarının qorunması mövzusunda seminar keçirilib. Seminarda akademiyamızın U-12 və U-13 komandasının futbolçu və məşqçi heyəti, həmçinin akademiyamızın koordinatoru Giorgi Minaşvili, “Sabah”ın əsas komandasının və Azərbaycan millisinin müdafiəçisi Rəhman Daşdəmirov və psixoloq Nərgiz Məmmədova iştirak ediblər.

Psixoloq Nərgiz Məmmədova seminar iştirakçılarına uşaq hüquqları ilə bağlı ətraflı məlumat verib, azyaşlıların mövzunu daha yaxşı anlamaları məqsədilə onlar üçün müxtəlif əyləncəli tapşırıqların olduğu oyunlar təşkil edib.

Akademiyamızın koordinatoru Giorgi Minaşvili və “Sabah”ın futbolçusu Rəhman Daşdəmirov da çıxış edərək, azyaşlı futbolçulara öz məsləhətlərini veriblər. Tədbirin sonunda Rəhman azyaşlı futbolçularla meydançada vaxt keçirib, onların suallarını cavablandırıb.

Akademiyamızda uşaq hüquqları mövzusunda seminar keçirilib

Akademiyamızın Bakı seçmələri yekunlaşdı

Akademiyamızın Qusar seçmələri başa çatdı

17 yaşlılarımız mövsümü gümüş medalla başa vurdu

“Sabah” U-14 çempion!