Elvin Camalov “250”-yə çatdı

“Turan Tovuz” – “Sabah” oyunu (1:1) kapitanımız Elvin Camalov üçün əlamətdar olub. Belə ki, yarımmüdafiəçi bu matçda Azərbaycan Premyer Liqasında 250-ci oyununa çıxıb. 29 yaşlı futbolçu bu oyunlardan 96-nı “Sabah”ın heyətində keçirib.

Qeyd edək ki, Elvin 2021-ci ildən komandamızın uğurları üçün çalışır. O, bu müddətdə komandamızın heyətində 109 oyun keçirib, 2 qol vurub.